DEXÉSOVOS MOITOS ÉXITOS

Ola! Estaba aquí informándome un pouco de como ía a vosa conquista galega e, felizmente, podo comprobar que non vai de todo mal. 
A pasada semana seica estivéchedes na Facultade de Filoloxía e Tradución de Vigo, onde eu estudo, pero non puiden asistir porque tiña clase, pero onte tiven a oportunidade de escoitarvos en Matamá e quedei encantada, e iso que aínda non vin a película (que de esta semana non pasa). 
Alégrome moitísimo de que unha película "made in" feita na terra galega estea a recoller tan boa acollida. Os que loitamos por manter viva a cultura e a língua galega estamos orgullosos de que estes proxectos saian a flote porque anímanos máis a seguir traballando para que a nosa cultura sexa recoñecida como se merece. Exportar cine en galego fora das nosas fronteiras sería un grandísimo paso e unha base para novas longametraxes que poidan xurdir, que espero que sexan moitas porque os tradutores estamos desexando traballar con moito material audiovisual. 
Noraboa ó director pola súa osadía e o seu traballo e, por suposto, tamén a tódolos personaxes, Rubén, Tamara, Roberto, Mela, etc.  
Tentarei promocionarvos o máis que poida. 
 
Cando mire a película volverei comentar impresións. 
 
Un saúdo.