Este venres 14 de marzo a comarca de Valdeorras acollerá a preestrea de PRADOLONGO, o filme dirixido e producido por Ignacio Vilar ("Un bosque de música", Ilegal") que ten como protagonista a Rubén Riós ("Libro de Familia"), Tamara Canosa ("Días Azuis", Heroína") e Roberto Porto (quen interpreta o seu primeiro papel logo de xurdir dun casting efectuado en institutos de Ourense e Lugo)

A película propón unha visión naturalista e 100 % galega do contraste entre a Galicia "verde" fronte ao

desenvolvemento industrial representado polas empresas louseiras, como fondo dunha historia de iniciación protagonizada por tres rapaces que chegan á maioría de idade e vense obrigados a reconsiderar os seus soños.
Rodada vinte anos despois de Sempre Xonxa e case nas mesmas localizacións de Valdeorras, o director Ignacio Vilar retoma o espírito daquel filme mítico

Producida por Vía Láctea Filmes, Pradolongo conta coa participación de TVG e coa axuda da Dirección Xeral de Creación en Difusión Cultural da Consellería de Cultura e Deportes da Xunta de Galicia, da Axencia Audiovisual Galega, da Deputación de Ourense, así como coa colaboración da Secretaría Xeral de Comunicación Audiovisual e Turgalicia.