A Axencia Audiovisual Galega tivo a posibilidade de pararse a falar con Peque Varela entre viaxe e viaxe que a realizadora está a facer acompañando a carreira festivaleira da súa curta 1977. Esta ferrolana, da barrio de Caranza, presentouse ao mundo con esta extraordinaria peza de animación converténdose na revelación absoluta do ano no audiovisual galego.

A nova edición do Festival de Cine Iberoamericano que se celebra na cidade andaluza de Huelva foi o lugar escollido para a celebración da reunión ordinaria do Programa Raíces na que, entre outros importantes acordos, se decidiu apoiar con 80.000 euros á produción documental Pare, mire, escuche , das produtoras Dos Treinta y Cinco Producciones Cinematográficas, S.L. (Galicia), Uzala Films (Andalucía), Hiperkinesis e 16 M (Arxentina).

Un dos cineastas máis queridos pola dirección do festival conseguiu convencer ao xurado e gañar o grande premio. Outra personalidade de gran importancia para o certame, Claire Denis, recibiu o premio especial do xurado por "35 Rhums", mentres "Ballast" copou tódolos premios de interpretación e a mediocridade "Stella" de Sylvie Verheyde é o único punto negro do palmarés. "Waltz with Bashir", vista o último día de competición, formou tamén parte do palmarés coa concesión do premio a mellor fotografía. Miguel Balanco Hortas achéganos a última crónica do Festival de Cine de Xixón, o evento cinematográfico máis importante de España. 

"Agua fría del mar" é un proxecto da directora costarricense Paz Fábregas que acaba de gañar o Torino FilmLab do Festival de Torino (Italia). Este é un proxeto coproducido por Tic Tac Produciones.

Máis de 1.000 escolares da Coruña van ter oportunidade, por primeira vez, de adentrarse nalgúns dos momentos máis creativos e sorprendentes do proceso de produción de series e películas e descubrir as técnicas da dobraxe e da animación en plastilina, que serán amosadas en dous obradoiros prácticos ‘Ponlle voz’ e ‘Ponlle vida’ que organiza o Clúster Audiovisual Galego, CLAG, dentro da programación da feira Cultur.gal, que se celebra en A Coruña, do 4 ao 7 de decembro.

Nunha gran xornada, aparte do traballo de Sandro Aguilar, puxéronse obras de entidade como "Ballast" de Lance Hammer, a primeira sesión do director experimental Peter Tscherkassky, o insulto gamberro que Albert Serra fai a Chaplin en "Fiasco" ou o monumento anticapitalista "An injury to one", dentro do ciclo "A utopía Ianqui", que dirixiu Travis Wilkerson en 2002. Noso corresponsal Miguel Blanco Hortas apesares de ir acumulando días de festival segue puntual a súa cita.

Telefónica Movistar e os estudios de animación Dygra Films presentan o próximo martes, 2 de decembro, o acordo estratéxico de colaboración que suscribiron co horizonte posto no ano 2010 e que contempla un proxecto conxunto que contará con unha ampla repercusión a nivel nacional.

O venres, 28 de novembro, ás 12h30, no Teatro Principal de Santiago de Compostela vai ter lugar a presentación do segundo número dos Papeis da Academia.

A Axencia Audiovisual Galega fai pública a relación de comisionados que conformaron as axudas da Consellaría de Cultura do 2001 ao 2007. Esta listaxe de membros foi configurada tendo en conta as actas de reunión que están nos arquivos da Axencia Audiovisual Galega.

Apesares de que co inicio do mes de dicembro as pantallas coruñesas encheranse de ratos e outros bichos das multinacionais, a boa acollida que o público coruñés a dispensado a UN CONTO PARA OLIVIA levou aos cinemas Filmax a mantela en programación.

Catro anos despois da obra magna "L’intrus", Claire Denis firma na súa volta ao cinema unha historia aparentemente menos ambiciosa, pero que segue as liñas maestras da obra clave da súa filmografía. No mesmo día, decepcionou na Sección Oficial "Una semana solos", segundo traballo de Celina Murga, mentres que o gran mestre Peter Tscherkassky deu una lección de coherencia e risco coas súas curtas en cinemascope. O noo corresponsal Miguel Blanco Hortas apura os últimos días do Festival de Cinema de Xixón.

O Cultur.gal 08 acolle a exhibición dun cento de producións cinematográficas galegas dentro do programa "Panorama Galiza", para dar a coñecer a variada e abundante produción galega contemporánea. Esta proposta elaborada pola Axencia Audiovisual Galega da Consellaría de Cultura e Deporte abrangue longametraxes e curtametraxes de ficción, animación e documentais dos anos 2007 e 2008, na súa maioría de produción independente.

Despois dun ano de intenso traballo, Tomás Conde e Virginia Curiá remataron a curtametraxe de animaión O SOLDADIÑO DE CHUMBO. Este filme estrearase no Museo do Xoguete en Allaríz, o venres, 12 de decembro, ás 20h30. Esta curtametraxe é unha produción de continental foi subvencionada pola Consellaría de Cultura e Deporte.