Esta noite chega á TVG unha nova entrega de "Padre Casares". Nesta ocasión a vila costeira de Santo Antón de Louredo celebra unha das festas máis típicas do calendario gastronómico galego, o San Martiño, e o cocho de Puri converterase sen querelo en protagonista: o animal, tremendo co seu destino, non está disposto a cumprir coa tradición.

Doutra parte, o Padre Horacio Casares descubrirá na celebración das primeiras comuñóns dun grupo de nenos da vila que non todos eles están igual de preparados para recibir o Santo Sacramento.

Espazo informativo que se emite de luns a venres. Inclúe reportaxes e conexións en directo por todo o territorio galego na busca da noticia do día ou das actividades que poidan ser de interese para a audiencia. Xesús Peleteiro presenta este programa.